ҮГЫДЭХЭ

үйлэ ү. ямар нэгэ юумэгүй байха, юумээр дутаха, үгы юумэндэ хашагдаха (испытывать нужду в чем-л., не иметь чего-л.): Гурбадахи отделенидэ үхэрэй байра баригдажа дүүрээгүй, барилгын материал үгыдэжэ, хэдэн хоногоор һаатаа (Ц.-Д. Хамаев); һамга үгыдэхэ һамгагүй ажабайдалһаа зобохо (нуждаться в жене): Профессор болохо аад, һамга үгыдэдэг байһан байгаа ха (С. Ангабаев); урма үгыдэһэн янза муудашаһан, досоогоо бүглэршэһэн, урмаа хухарһан янза (расстроенный вид): …мүнөөхи Гаврюшын захидаг басаган байба ха гэжэ һанахалаараа, бага зэргэ урма үгыдэһэн янза үзүүлэн, хүйтэншэгөөр зорёон миһэд гээд, хэрэглээшэгүй болон, хажуудаа дэбэржэ байһан булагай уһанһаа гудамхин, умдаа харюулһанай һүүлдэ, аалиханаар хармаанһаа алшуур, гааһаа гаргана (Х. Намсараев).