ҮГЭЛГЭ

юум. н. ямар нэгэн юумэ өөр h өө гү, али ондоо тээһээ абажа, хүндэ барюулалга, үгэлтэ (дача, подача): Жэшээнь, мэдэжэ байгаад, худалаар харюу үгэлгэ, доогуур мэдээсэлгэ, шалгалга гарахаяа арсалга г.м. дайралдадаг (Н. Бабуева); нэрэ үгэлгэ үхибүүе нэрэтэй болголго (имянаречение): Нэрэ бүхэн өөрын удха шанартай байдаг. Тиимэһээ нэрэ үгэлгэдэ буряадууд ехэ анхаралтайгаар хандадаг байгаа (Б.-Х. Цырендоржиева); дуу үгэлгэ һунгуулида ямар нэгэн дэбшүүлэгдэһэн нюурые дэмжэлгэ (голосование): Үндэһэн хуулида оруулагдаха заһалтануудай түлөө дуугаа үгэлгэ аяар долоон хоногто үргэлжэлжэ, гол үдэрынь июлиин 1 гэжэ тогтоогдобо (Б. Балданов); онлайн дуу үгэлгэ интернедээр ямар нэгэн дэбшүүлэгдэһэн нюурые дэмжэлгэ (электронное голосование, онлайн-голосование): « Арадай багша» гэһэн мүрысөөнэй нэгэдэхи шатын хэмжээнэй онлайн дуу үгэлгэ эхилхэмнай (bgtrk. ru); ама үгэлгэ мүшхэбэриин үедэ харюу үгэлгэ, гэршэлэлгэ (дача показаний); ашаг (шэмэ, үрэ) үгэлгэ олзын тала, гарзаяа тэхэрюулхэ шадал, үгэсэ (доходность, рентабельность); ашаг шэмэ үгэлгые дээшэлүүлгэ олзобориёо ехэ болголго (повышение доходности); эдилгэ үгэлгэ ямар нэгэн хэрэг өөрын тээшэ болгохын тулада тушаалта хүндэ мүнгэ гү, али эд зөөри абахыень баадхалга (дача взятки): Эдилгэ үгэлгын ашаар һураһан байжашье магадгүй (Ч. Цыдендамбаев); элидхэжэ үгэлгэ ямар нэгэн мэдээсэл ноёндо дуулгалга (сообщение, доклад руководителю); хөөрэжэ үгэлгэ хөөрөөн (рассказ): Уран зохёолдо һонирхол түрүүлгэдэ тэрэнэй автор тухай хөөрэжэ үгэлгэ аргагүй ехэ удха шанартай (С. Содномов); үгэлгэгүй абалга байдаггүй (Оньһ. ү.) юумэ абаа һаа, заал һаа үгэхэ хэрэгтэй (≈ долг платежом красен).