ҮГҮҮЛХЭ II

үйлэ ү. 1) хууш. айлдаха, хэлэхэ, зарлиг болохо (изрекать, говорить): Үйлэнүүдые бүтөөхын урда / Бардам ехэ үгэ бү үгүүлэ. / Хэрбэеэ бүтөөжэ шадаагүй һаа, / Бусадай энеэдэ нааданай орон болоно (Э.-Х. Галшиев); тангариг үгүүлхэ тангариглуулха, үгэеэ үгэхэ (клясться); 2) абяануудые, үгэнүүдые дуугаараа дамжуулха, дуудаха, дуугарха (произносить): Нимгэхэн уралнуудынь ямар нэгэ абяануудые үгүүлжэ байһандал (С. Ангабаев).