ҮЕTЭН

T ЭН юум. н. 1) нэгэ наһанай хүнүүд, нэгэ жэл түрэһэн хүнүүд, сасуутан, үүринүүд; нэгэ наһанай хүн, үүри (ровесники, сверстники, одногодки; ровесник, сверстник): Харин эндэ байһан Дугардааниие гайхахаһаа байха, яахааршье болоһон аад лэ, минии түрэһэн хүбүүнэймни үетэн ха юм (Ц.-Ж. Жимбиев); Ургажа байһан ногоон һайхан, олоороо сугларһан үетэн һайхан (Оньһ. ү.); үетэн нүхэд (гү, али сасуутан) сасуутан, үүринүүд (ровесники): Мойһон шугы ошохо замдаа сэдьхэлни баяраар билтаржа, хүл нюсэгөөр гүйһэн наһаяа һэргээн, үетэн нүхэдөө дурдан ябабаб (Д. Доржиева); Хото городто үетэн сасуутанайнгаа болбосон һайн байдалтай байхадань, би тэдээнһээ юугээрээ дутаха болообиб, мүн лэ тиимэ байдалаар байха эрхэтэйб гэжэ һанана ха юм (Б. Мунгонов); 2) хүнэй удам угсаа, ураг түрэлэй зэргэ, нэгэ сагта, адлирхуу оршон байдалда түрэhэн зоной бүлэг (поколение): Зүгөөр Агбаан Цыбиковэй хүсэл бодолынь хойто үетэн үргэлжэлүүлнэ, баатарлиг сэрэгшын дутуу таһарһан мүрнүүдые ашата дүүнэрынь ажабайдалай толи дэрэ залгуулан бэшэнэ (Д.-Д. Дугаров); залуу (гү, али эдир, ургаха) үетэн залуушуул (молодое, подрастающее поколение): Энээнһээ хүнүүд, илангаяа залуу үетэн, хатуужал абахал, сахилга журамтай болохол (Б. Санжин, Б. Дандарон); Гэхэтэй хамта, мүнөө үеын залуу бэшэгшэд ба эрдэмтэдтэ, ерээдүйн эдир үетэндэ бодото эрхим жэшээ болохо ёһотой гэжэ hананаб (А. Жамбалон); Энэнь ургаха үетэндэ үльгэр жэшээ боложо үлэхэ зэргэтэй (Ц.-Д. Хамаев); хоёр үетэнэй уулзалга хүгшэн залуу үеын хүнүүдэй уулзалга (встреча двух поколений).