ҮДЫН

тэмд. н. хахад үдэрэй, 12 сагай үеын (полуденный, полдневный): Үрхөөр үдын наран шатама элшэеэ сасан яларна (Ц.-Ж. Жимбиев); үдын тэн үдэрэй 12 саг (полдень): Үдын тэн… Үүлэгүй сиибэн хүхэ огторгой хүйтөөр ялалзан лүнхынэ (С. Цырендоржиев); үдын халуун 12 часай үеэр эхилдэг халуун (полуденный зной): Үдын халуун бууража, үдэшын наран урга тудан улайржа, тунгалаг һэрюухэн болоно (Х. Намсараев); үдын эдеэн (гү, али хоол) үдэр эдидэг эдеэн (обед): Байшангайнгаа хажууда зуһалангай гэртэй айлайхи үдын эдеэ шанажа, үрхөөрөө шэнгэн утаа гаргана (Д.-Д. Дугаров); Энээнэй һүүлээр бултадаа үдын хоолдо уригдаба (Б. Санжин, Б. Дандарон); үдын (хоолой) заб h арлалга (гү, али забhар) үдэр хоол бариха ехэнхидээ нэгэ сагай хугасаа, амаралта (обеденный перерыв): Элидхэл дүүрэжэ, үдын забһарлалга соносхогдобо (С. Цырендоржиев); Үдын хоолой забһарлалгые һамбаашалан, Аленын сэбэр агаарта ябажа ерэхээ газаашаа гарахадань, портфель һугабшалһан Пафнутий Осипович үйлсэдэ харагдаба (Б. Шойдоков); Тиигэжэ һуутарнь, тээрмын гудок дохёолжо, үдын хоолой забһар болобо (Ц. Дон); үдын эдеэнэй стол эдеэ, хоол баридаг стол (обеденный стол).