ҮДЭШЭЛГЭ(Н)

(Н) юум. н. 1) хүниие ямар нэгэн газар хүрэтэр гаргажа үгэлгэ, мордохуулга, ябуулга (проводы): Долоон һарын гурбанай 19 сагта тэрэл бэеын соёлой болон тамирай нэгэдэлэй талмайда 2016 оной «Алтаргана» ехэ нааданай хаалгын ёһолол үнгэрхэ, хойто үдэрынь холо ойрын айлшадые үдэшэлгэ болохо (altargana. info); һүү лшын харгыда үдэшэлгэ хүдөөлүүлгэ (похороны): Һүүлшын харгыда үдэшэлгэ апрелиин 13-да Ленинэй гудамжа, 106 хаягаар 11.40-һөө 13.40 болотор үнгэрхэ; 2) хүнэй талаар, ондоо тээшээ ябахада хэһэн сайлалга (проводы, гулянье с угощением по поводу прощания с кем-л.): Сентябриин 24-дэ – Сэрэгэй болон албанай уялга дүүргэжэ ябаһаар наһа бараһан үбэр-байгалайхидай дурасхаалай үдэр сэрэгтэ татагдаһан бүлэг зониие Ага тосхоной «Зарница» талмай дээрэһээ үдэшэлгэ боложо, захяа үгэнүүд хэлэгдэһэн байна (Д. Баторова); пенсидэ үдэшэлгэ хүнэй наһанайнгаа амаралтада гарахада зорюулжа хэһэн найр, сайлалга (проводы на пенсию): Теэд мүнөөдэрэймнай энэ суглаан Дамбуу үбгэжөөлөө пенсидэ үдэшэлгэ тухай ха юм даа (С. Ангабаев); басагаяа хадамда үдэшэлгэ басагаяа хадамда үгэхын урда хэгдэһэн найр, басаганай наадан (девичник).