ҮДЭШЭЛЭН

1. наречи үдэрэй һүүлээр, һүниин урда (вечером): Үдэшэлэн наранай ороо үды байхада эхилээд, һүниин тэн болотор, заахашье забһар хэнгүй хөөрөө һэн (Ц. Шагжин); мүнөө үдэшэлэн мүнөө һүниин урда, оройдо (сегодня вечером): Мүнөө үдэшэлэн Буда гэртээ бусажа ябатараа, сэсэрлиг соохи һандалинуудай нэгэн дээрэ һуужа, сэбэр агаараар амилха гэжэ шиидэбэ (Ц. Шагжин); 2. юум. н. наранай орохо сагһаа сагаан гэгээ таһарха хүрэтэрхи үе, оройн саг (вечер): Сэсэгүүд ганхаба / Наранай орохы үдэшэн, / Сэлгеэтэн ерэбэ / Сэнгүү зунай үдэшэлэн (Д. Улзытуев); үдэшэлэн тээ (гү, али тээшэ) наранай орохо үеэр (под вечер): Үдэшэлэн тээ Дэлгэр хуһаар халбага дархалжа эхилбэ (В. Гармаев); Үер үдэшэлэн тээшэ бага буубашье, үшөөл хүсэрхэһэн зандаа (А. Ангархаев); үдэшэлэн болоходо харанхы боложо эхилхэдэ, орой болоходо (с наступлением вечера): Үдэшэлэн болоходонь, бүхэли һүниндөө маараха (Г.-Д. Дамбаев).