ҮҮЛЭГҮЙ

тэмд. н. сэлмэг, тунгалаг, үүлэ манаар хаагдаагүй, бүрхөөгдөөгүй (безоблачный): Үүлэгүй сиибэн хүхэ огторгой хүйтөөр ялалзан лүнхынэ (С. Цырендоржиев); үүлэгүй тунгалаг а) сэлмэг, үүлэ манаар хаагдаагүй (безоблачный, ясный): Үүлэгүй тунгалаг үбэлэй үдэр дасанда сугларһан хамаг зон гудамжада гаранхай, шууяжа байгаа һэн (Д. Батожабай); б) шэлж. һанаа амар, ан-бун, хашалангүй (спокойный, ничем не омрачённый): Ида үүлэгүй тунгалаг нюдөөрөө өөдөө хаража, ухаан бодолоороо минии хөөрэһэн үльгэрые уяран, һонирхон шагнана ха (Ц.-Д. Хамаев); үүлэгүй сэлмэг үдэрнүүд а) наратай, шорой шуургагүй үдэрнүүд (ясные, безоблачные дни); б) шэлж. урагшатай, һайхан үе сагууд (благополучная, счастливая жизнь): Жэгдэ сэхэхэн зам, үүлэгүй сэлмэг үдэрнүүд, үндэр һайхан соло угтажал байха гэжэ Доржо найдана (Ч. Цыдендамбаев).