ҮҮДХЭХЭ

үйлэ ү. юумэ эхилхэ, эхилүүлхэ, бии болгохо, захалха (делать почин, начинать, затевать): Хорото ябадал үүдхэһэн ангиин дайсадай үлэгдэлые дары түргэн сүүдэй үмэнэ зогсоожо, хатуугаар хэһээхэ (Ц. Дон); наншалдаа үүдхэхэ наншалдуулха, сохилдуулха, наншалдаа эхилхэ (затевать драку); арсалдаа үүдхэхэ үгэ буляалдуулха, арсалдаа гаргаха, арсалдуулха (затевать спор); хэрүүл үүдхэхэ хэрүүл гаргаха, хэрэлдүүлхэ (затевать ссору): – Һайндэрһөө бэшэ үдэрнүүдтэ һүнишье, үдэршье архи уугаад, хүниие шударжа, хэрүүл үүдхэжэ ябахаш бү үзэгдэг (Ц.-Д. Хамаев); буhалгаа үүдхэхэ буһалгаа татаха, бодхоохо, арад зониие үймүүлхэ (поднимать восстание); хөөрөө үүдхэхэ ямар нэгэн юумэ тухай хөөрэжэ эхилхэ (заводить разговор): Тиимэ хөөрөө үүдхэһэн залуушуулда муу һанадаг, тиимэ үгэ хөөрөөе буруушаадаг хүнүүд бии һаа, тэдэнэр эсэгэ орондоо дурладаггүй… (Ч. Цыдендамбаев); hанажа үүдхэхэ, үүдхэн hанаха хараалха, һэдэхэ, һанаандаа зохёохо (задумывать); дай үүдхэхэ дай эхилхэ, дай номнохо (развязывать войну): Галдан Бошогтын үүдхэһэн дайнһаа боложо, бидэнэр Ород гүрэндэ хамжаһан байнабди (Б. Санжин, Б. Дандарон); хэрэг үүдхэхэ һанаашалга гаргажа ямар нэгэн юумэ хэжэ эхилхэ (затевать дело): Энэ муухай хэрэг үүдхэһэн зэмэтэдэй тодоржо, баригдаханьшье тон бэрхэ болохо һэн (Ц. Дон).